အာဆင်နယ် အသင်းသည် ရီးယဲလ်မက်ဒရစ် ကွင်းလယ်လူ နျူရီဆာဟင်ကို တစ်ရာသီ အငှား ခေါ်ယူနိုင်ရန် ကြိုးပမ်းနေကြောင်း သိရှိရသည်။
တော့တင်ဟမ် ဟော့စပါးသို့ ပြောင်းရွှေ့ရန် ငြင်းဆန်ခဲ့သော တူရကီ လက်ရွေးစင်သည် အမ်းမရိတ်စ်ကို ရွေးချယ်ရန် နီးစပ်နေကြောင်း သတင်းများက ဆိုသည်။ အသက်(၂၃)နှစ်ရှိ ဆာဟင်သည် ပင်ကိုယ်ခြေစွမ်း ကောင်းမွန်သော်လည်း ဒဏ်ရာများကြောင့် ဘာနေဗျူးတွင် ရုန်းကန်ခဲ့ရသူ ဖြစ်သည်။ ၎င်းသည် ဂျာမန်ကလပ် ဘိုရပ်ရှား ဒေါ့တ်မန်တွင် ပါရမီရှိသော ခြေစွမ်းကို ပြသနိုင်ခဲ့သော်လည်း ရီးယဲလ်နည်းပြ ဟိုဆေးမော်ရင်ဟို လက်အောက်တွင်မူ ပုံမှန် ပွဲထွက်ခွင့် ပျောက်ဆုံးပြီး အရန်ခုံတွင်သာ အဓိက အချိန်ကုန်နေရသည်။
အာဆင်နယ် မန်နေဂျာ အာစင်ဝင်းဂါးသည် ရိန်းစ်အသင်းမှ ယန်းမားဗီးလားကို ချိတ်ဆက်ခဲ့သော်လည်း ဈေးနှုန်း ကြီးမြင့်သည့်နောက် ဆာဟင်ကို အငှားခေါ်ယူရန် ကြိုးစားလာခြင်း ဖြစ်သည်။ လက်ရှိတွင် အာဆင်နယ် ကွင်းလယ်၌ အဘူဒီယာဘီနှင့် ဂျက်ဝီလ်ရှိုင်းယားတို့မှာ ဒဏ်ရာကြောင့် ပွဲမကစားနိုင်သေးရာ ဝင်းဂါးက ဆာဟင်ကို ချိတ်ဆက်လာခဲ့သည်။ ဆာဟင်သည် ဒေါ့တ်မန်နှင့်အတူ (၂၀၀၅)ခုနှစ်က ဘွန်းဒစ်လီဂါတွင် စတင် ကစားခဲ့ရာ အသက်(၁၆)နှစ်သာ ရှိသေးပြီး ယနေ့တိုင် ယင်းပြိုင်ပွဲ၏ အသက်အငယ်ဆုံး ပွဲထွက်ခွင့် ရသူအဖြစ် မှတ်တမ်း ဝင်ခဲ့သည်။
ရီးယဲလ်သည် ပြီးခဲ့သည့် နွေရာသီက ဆာဟင်အား ပေါင်စတာလင် (၈)သန်းဖြင့် ခေါ်ယူကာ (၆)နှစ်စာချုပ် ချုပ်ဆိုခဲ့သော်လည်း အဓိက ကစားသမားအဖြစ် အသုံးမပြုခဲ့ပေ။ ဆာဟင်သည် တူရကီ လက်ရွေးစင် အသင်းအတွက် (၃၁)ပွဲ ကစား ပေးထားသည်။ စိတ်ဝင်စားစရာ အချက်မှာ အာဆင်နယ် အသစ်ခေါ်ယူထားသည့် တိုက်စစ်မှူး လူးကက်စ် ပိုဒေါ့စကီးနှင့် ဆာဟင်တို့သည် ကျောင်းတော်မှ ရန်စရှိသူများ ဖြစ်ကြပြီး ကိုလုံးအတွက် ပိုဒေါ့စကီး ကစားနေစဉ် (၂၀၁၀)ပြည့်နှစ်က နှစ်ဦးသား ငြိခဲ့ဖူးကြောင်း သိရှိရသည်။
အာဆင်နယ် မန်နေဂျာ အာစင်ဝင်းဂါးသည် ရိန်းစ်အသင်းမှ ယန်းမားဗီးလားကို ချိတ်ဆက်ခဲ့သော်လည်း ဈေးနှုန်း ကြီးမြင့်သည့်နောက် ဆာဟင်ကို အငှားခေါ်ယူရန် ကြိုးစားလာခြင်း ဖြစ်...
No comments:
Post a Comment