| ဟာဇက်သည် ချယ်လ်ဆီး၏ မက်ဆီ ဖြစ်လာနိုင်ကြောင်း ဗာမေလန် မှတ်ချက်ပြု |
 |
 |
 |
| ချယ်လ်ဆီး အသင်းသည် အီဒင်ဟာဇက်ကို
ခေါ်ယူနိုင်ခြင်းကြောင့် ကိုယ်ပိုင် လီယွန်နယ်လ် မက်ဆီတစ်ဦးကို
ရရှိသွားခြင်း ဖြစ်ကြောင်း အာဆင်နယ် နောက်ခံလူ သောမတ်စ် ဗာမေလန်က
မှတ်ချက်ပြု ပြောဆိုလိုက်သည်။
ချယ်လ်ဆီးသည် ပြင်သစ်ကလပ် လိုင်လီမှ ကွင်းလယ်တိုက်စစ် ကစားသမားကို ပေါင်စတာလင် (၃၂)သန်းဖြင့် ခေါ်ယူနိုင်ခဲ့သည်။ အာဆင်နယ် အသင်းမှ ဗဟိုခံစစ်မှူး ဗာမေလန်က ၎င်း၏ ဘယ်လ်ဂျီယံ လက်ရွေးစင် အသင်းဖော်၏ ပါရမီရှိသော ခြေစွမ်းကို ချီးကျူးခဲ့ပြီး မက်ဆီကဲ့သို့ အရည်အသွေးမျိုး ပိုင်ဆိုင်ထားသူဟု ညွှန်းဆိုသွားသည်။ ချယ်လ်ဆီးသည် ယခု နွေရာသီတွင် ဟာဇက်အပြင် ညီဖြစ်သူ သော်ဂန်ကိုပါ ခေါ်ယူနိုင်ခဲ့သည်။ ဗာမေလန်က "ကျွန်တော် ဟာဇက်နဲ့ပဲ သိကျွမ်းပါတယ်။ သူ့ညီအကြောင်းတော့ မသိပါဘူး။ ဟာဇက်ဟာ နည်းစနစ်ပိုင်း အရဆိုရင် သိပ်ထူးချွန်ပါတယ်။ ဘောလုံးကို သယ်ပြေးရင်လည်း အရမ်းမြန်တယ်။ သူကစားတာက မက်ဆီလိုပါပဲ။ ဟာဇက်ဟာ အပျံစား လှည့်စားမှုတွေလည်း လုပ်ပြတတ်သူပါ" ဟု မှတ်ချက်ပြုခဲ့သည်။  ၎င်းက "အင်္ဂလန်နဲ့ ဘယ်လ်ဂျီယံ ခြေစမ်းတုန်းက ဟာဇက်ကို လွတ်လွတ်လပ်လပ် စိတ်ကြိုက် လှုပ်ရှား ကစားခွင့် ပေးခဲ့တယ်။ သူ့ရဲ့ ကိုယ်ရည်ကိုယ်သွေးအရ ဒါဟာ ပိုပြီး အံဝင်ပါတယ်။ ဟာဇက်ကို စိတ်ကြိုက် ပေးကစားထားတဲ့အခါ သူ့ရဲ့ အကောင်းဆုံး ပုံစံကို မြင်နိုင်ပါတယ်။ ဟာဇက်ဟာ ပရီးမီးယားလိဂ်မှာ ခြေလှမ်းကျယ်ကျယ် လှမ်းနိုင်မယ့်သူလို့ ကျွန်တော် ယူဆပါတယ်။ ဒါပေမဲ့ ပြင်သစ်မှာထက် အင်္ဂလန်မှာက ခံစစ်သမားတွေ ပိုထူးချွန်တာကြောင့် အခက်အခဲတော့ ရှိနိုင်တယ်။ ဘာပဲဖြစ်ဖြစ် ဟာဇက်ဟာ ချယ်လ်ဆီး ပရိသတ်ကို သူ့ရဲ့ စွမ်းရည်အားလုံး ထုတ်ပြမယ့်သူပါ"ဟုလည်း ဆက်လက် ပြောကြားသွားသည်။
ဟာဇက်ဟာ
နည်းစနစ်ပိုင်း အရဆိုရင် သိပ်ထူးချွန်ပါတယ်။ ဘောလုံးကို သယ်ပြေးရင်လည်း
အရမ်းမြန်တယ်။ သူကစားတာက မက်ဆီလိုပါပဲ။ ဟာဇက်ဟာ အပျံစား လှည့်စားမှုတွေလည်း
လုပ်ပြတတ်သူပါ...
ဗာမေလန်က ဘယ်လ်ဂျီယံအသင်း ခံစစ်ကြောင်းတွင် တွဲဖက်ကစားလေ့ရှိသည့် မန်ချက်စတာ စီးတီး အသင်းခေါင်းဆောင် ဗင်းဆင့် ကွမ်ပနီကိုလည်း ချီးကျူးခဲ့သည်။ ကွမ်ပနီသည် မကြာသေးမီကမှ မန်စီးတီးနှင့် (၆)နှစ် စာချုပ်သစ် ချုပ်ဆိုထားသည်။ ဗာမေလန်က "ကွမ်ပနီဟာ တကယ့်ကို အရည်အချင်း ပြည့်ဝတဲ့ ကစားသမားပါ။ သူက အသက်(၁၇)နှစ်မှာ အန်းဒါးလက်ခ်ျနဲ့အတူ ချန်ပီယံလိဂ် ကစားခွင့် ရနေပြီ။ သူ့အသက် ငယ်စဉ်တုန်းက ဝေဖန်မှုတွေ ကြုံခဲ့ရဖူးတယ်။ ဒါပေမဲ့ သူဟာ အမှားတွေကို ချန်ခဲ့ပြီး နည်းစနစ်ပိုင်း အရမ်းကြွယ်ဝတဲ့ ခံစစ်သမား ဖြစ်လာပါတယ်။ ပြီးတော့ သူက ပြိုင်ဘက်ကို လှည့်စားတာမျိုးတွေလည်း လုပ်တတ်တယ်။ ခုချိန်မှာတော့ သူဟာ ကမ္ဘာ့အဆင့်၊ ကမ္ဘာ့အကောင်းဆုံး စာရင်းဝင် ခံစစ်သမား ဖြစ်လာတာ အားလုံး အသိပါပဲ"ဟု မန်စီးတီးနှင့် ခြေစမ်းပွဲ မတိုင်မီ သတင်းထောက်များအား ပြောဆိုခဲ့သည်။ အာဆင်နယ် အသင်းသည် မန်စီးတီး အသင်းနှင့် အာရှတိုက်တွင် ခြေစမ်းပွဲ ကစားပြီးနောက် (၂-၀)ဖြင့် အရေးနိမ့်ခဲ့သည်။ Ref: The Sun |
No comments:
Post a Comment