တောင်ကိုရီးယား အသင်းခေါင်းဆောင်ဟောင်း ပါ့ခ်သည် မန်ယူတွင် ဆုဖလား များစွာ ရယူပြီးနောက် ယခုနွေရာသီတွင် QPRသို့ ပြောင်းရွှေ့သွားခဲ့သည်။ ပါ့ခ်သည် မန်ယူနှင့် အတူ (၇)နှစ် ကစားပြီး ပရီးမီးယားလိဂ် ချန်ပီယံဆု (၄)ကြိမ် ဆွတ်ခူးနိုင်ခဲ့သလို ဥရောပ ချန်ပီယံလိဂ်နှင့် ကမ္ဘာ့ကလပ် ချန်ပီယံများ ဖလားကို ရယူဖူးသည့် တစ်ဦးတည်းသော အာရှသား အဖြစ် မော်ကွန်း ရေးထိုးနိုင်ခဲ့သည်။ ဂျပန်လက်ရွေးစင် ကာဂါဝါသည် ယခု နွေရာသီတွင် ဂျာမန်ချန်ပီယံ ဘိုရပ်ရှား ဒေါ့တ်မန်မှ မန်ယူသို့ ပြောင်းရွှေ့လာခဲ့သည်။
အသက်(၂၃)နှစ်ရှိ ကာဂါဝါက "ကျွန်တော့် မန်ယူ ကစားသမား ဘဝဟာ ခုမှ အစပဲ ရှိပါသေးတယ်။ ပါ့ခ်ကတော့ အာရှတိုက်သား တစ်ယောက် အနေနဲ့ အကောင်းဆုံး ဆိုတဲ့ အရာတွေကို ပိုင်ဆိုင်သူ ဖြစ်ခဲ့ပါပြီ။ ဒါကို ကျွန်တော် သံသယ လုံးဝ မရှိပါဘူး" ဟု ဆိုသည်။ ၎င်းက "ပါ့ခ်ဟာ မန်ယူမှာ ပုံမှန်ပွဲထွက် ကစားသမား အနေနဲ့ အကြာကြီး နေရာရခဲ့ပါတယ်။ ကျွန်တော်လည်း အဲဒီလို ဖြစ်လာအောင် အချိန်ယူ တည်ဆောက် သွားမှာပါ။ မန်ယူမှာ သူကစားနေတာတွေကို မြင်ရတိုင်း ကျွန်တော် စိတ်ဓာတ် တက်ကြွရတယ်။ တကယ့် ထိပ်တန်း အသင်းကြီးတွေမှာ အာရှသားတွေ ထဲထဲဝင်ဝင် ကစားနိုင်ပါလား ဆိုပြီး ကျေနပ်ရပါတယ်" ဟုလည်း ပြောကြားခဲ့သည်။
ကာဂါဝါက "ကျွန်တော် မန်ယူကို ရောက်လာတော့ သူနဲ့ အပြန်အလှန် ကူညီသွားနိုင်မယ်လို့ မျှော်လင့်ခဲ့ပါတယ်။ ဒါပေမဲ့ သူက အသင်းကနေ ထွက်သွားတာ ဝမ်းနည်းစရာပါပဲ။ ဘာပဲဖြစ်ဖြစ် ပါ့ခ်လိုပဲ ကျွန်တော် နေ့တိုင်းနေ့တိုင်း လေ့ကျင့်ရေး ကွင်းမှာ စူးစိုက်ကြိုးစားပြီး မန်ယူမှာ အချိန်အကြာကြီး အောင်မြင်မှုတွေ ရယူနိုင်ဖို့ ရည်ရွယ်ထားပါတယ်"ဟု ဖွင့်ဟ သွားခဲ့သည်။
ကျွန်တော့် မန်ယူ ကစားသမား ဘဝဟာ ခုမှ အစပဲ ရှိပါသေးတယ်။ ပါ့ခ်ကတော့ အာရှတိုက်သား တစ်ယောက် အနေနဲ့ အကောင်းဆုံး ဆိုတဲ့ အရာတွေကို ပိုင်ဆိုင်သူ ဖြစ်ခဲ့ပါပြီ။ ဒါကို ကျွန်တော် သံသယ လုံးဝ မရှိပါဘူး...
No comments:
Post a Comment